गर्नसम्म माया गरें साले जिन्दगीलाई

विक्रम चेतनशील राई

bikram chetansheel raiगजल

यतै फाट्यो उतै फाट्यो टालें जिन्दगीलाई
गर्नसम्म माया गरें साले जिन्दगीलाई

हत्केलाको बारी हाली उज्यालोलाई जोगाइरहें
सफलताको कामना दियो बालें जिन्दगीलाई

नक्कल गर्न सिपालु छु लालीपाउडर क्रिम घस्न
कहाँ त्यो गोरो हुन्थ्यो कर्मै काले जिन्दगीलाई

पाहुना पो हो कि भनी सत्कार गरें जिन्दगीको
जिन्दगीकै भाडा तिर्दै पाल्नै पालें जिन्दगीलाई

जन्मेपछि मर्नैपर्छ मर्नदेखि डर लाग्दैन
यमराजलाई भेट्न जा भन्न थालें जिन्दगीलाई

तपाईको प्रतिक्रिया

सम्बन्धित समाचार