683 पटक पढिएको शुभ मुकारुङ
गीत
मायाको यो बैना सम्झी औंठी राखुँला
फर्किआउनू कसम होला पर्खी बसुँला
सम्झी रोएँ अनि सहें एक्लोपनको पीडा
कसको मन पो ढुंगा बन्ला विछोडिने बेला
यति धेरै माया दियौ साँचिरहुँला
फर्किआउनू कसम होला पर्खी बसुँला
पाइला सार्नु हतार होला हिँडिजानेलाई
त्यही हतार चोट बन्छ पर्खिबस्नेलाई
गोरेटोमा आँखा टोलाई आँसु पुछुँला
फर्किआउनू कसम होला पर्खी बसुँला
